Dolina při rěce
Dolina při rěce je cyle wosebita dolina – tu bydli wjele zwěrjatow, kiž su spřećelene a zhromadnje wšo móžne dožiwja. Přez wšitke počasy přewodźuja dwurěčne serbsko-němske stawizny myšce Měrku a Kiki, šwinca Doriana, zajaca Ferdija a sowu Lunu. Při tym je kóždy z nich jónkrótny. Wjesołe ilustracije přewodźuja dyrdomdeje a po kóždej stawiznje přińdźe strona z hódančkom za mudre hłójčki.
K jednotliwym kniham
Dolina při rěce 1 - Mali přećeljo
Zeznaj wobydlerjow doliny při rěce a dožiw zhromadnje z małymi přećelemi wšelake dyrdomdeje. Što wotkryje myška Měrka na rěce? Hdźe budźe šwinc Dorian bydlić? Štó njeda zajacej Ferdijej w nocy spać? Přezcyłnje pisane a z lubosću rysowane ilustracije přewodźeja stawizny, što přećelstwo wšitko zamóže a kelko idejow w kóždym z nas tča. Witaj w dolinje při rěce!
Dwurěčne wudaće: serbsko-němsce a serbsko-jendźelsce. Kapsna kniha, 73 stronow, přecyłnje pisane ilustracije. Tež jako ebook a jako słuchokniha w našim internetnym wobchodźe.
Dolina při rěce 2 - Lute překwapjenki
Dyrdomdeje w dolinje při rěce du dale! Tutón raz maja naši mali přećeljo wšelake zetkanja a překwapjenki před sobu. Što pyta operowy zajac při rěce? Namaka Ferdi zaso puć domoj? A štó woła tam tak wótře wo pomoc? Pójće prosće sobu a dajće nas zhromadnje pohladać, što myšce Měrka a Kiki, zajac Ferdi, šwinc Dorian a sowa Luna wšo dožiwja. A wězo čakaja tež zaso nowe hódančka na was.
Dwurěčne wudaće: serbsko-němsce a serbsko-jendźelsce. Kapsna kniha, 73 stronow, přecyłnje pisane ilustracije. Tež jako ebook a jako słuchokniha w našim internetnym wobchodźe.
Dolina při rěce 3 - Je skónčnje nalěćo?
Nalěćo přińdźe do doliny při rěce, a zaso čaka wjele dyrdomdejow na našich přećelow. Kak wabja woni sowu Lunu ze swojeje dźěry w štomje? Štó je tulpy wot Kiki pokradnył? A wo čim soni Měrka? Přewodźujće małych přećelow při jich dožiwjenjach w nalěću a lěću a rozrisajće zhromadnje napjate hódančka.
Dwurěčne wudaće: serbsko-němsce a serbsko-jendźelsce. Kapsna kniha, 81 stronow, přecyłnje pisane ilustracije. Tež jako ebook.
Dolina při rěce 4 - Won do swěta
Wjele wužadanjow čaka na našich małych přećelow z doliny při rěce. Kajka je to oranžojta kula, kotruž Ferdi namaka? Budźetej Kiki a Měrka lětać móc? A kotre potajnstwo chowa Dorian w swojej komodźe? Pójće tola sobu a dajće nas zhromadnje z pjeć přećelemi nazymu dožiwić. A wězo mamy tež zaso nowe hódančka za was.
Dwurěčne wudaće: serbsko-němsce a serbsko-jendźelsce. Kapsna kniha, 79 stronow, přecyłnje pisane ilustracije. Tež jako ebook.
Gabriela Marija Šmajdźina, čita słuchoknihi "Dolina při rěce":
Sym w Bremenje žiwa a dźěłam w Hamburgu při Thalia dźiwadle jako dźiwadźelnica, tak zo sym mjez woběmaj městomaj žiwa a jej tež rady dožiwju. Rady hraju tež w filmach a serijach sobu, hdyž mje wobsah narěči. Najradšo sym w přirodźe, hdźež na přikład tež w zymje při 5 stopjenjach temperatury wody wonka kupać du. Sym wjesoła, zo dwě rěči wobknježu – to mi husto w žiwjenju a w powołanju pomha.
