Naše hornjoserbske přełožki
Otfried Preußler
Małe šerjenje
Kóždu nóc wotući małe šerjenje zdypkom w dwanaćich. Wjesele šeri po hrodźe w Sowinje a wopyta swojeho přećela. To je šubut Šuhu, kiž bydli w dudławym dubje. Tola małe šerjenje soni wo tym, kak rjenje by było, hdy by swět tola raz wodnjo dožiwiło. Jenož jónu! Jako pak so jeho přeće njewočakowano spjelni, započnje so prawy dyrdomdej. Nic jenož za małe šerjenje!
George Orwell
Animal farm abo hotowe swinstwo
Što so stanje, hdyž zwěrjata Knježe kubło přewozmu, zo bychu skónčnje swobodnje a sprawnje žiwi byli? W znatej knize George Orwella zwaža so zwěrjata na rewoluciju: Wuhnaja ludźi a sonja wo lěpšim přichodźe. Tola bórze pokazuja nowi nawodźa – swinje – swoje wěrne mjezwočo…
Je to klasikar swětoweje literatury, kiž je do dźensnišeho aktualny – wo swobodźe, sprawnosći a strachu, zo so dobre ideje znjewužiwaja.
Otfried Preußler
Krabat a čorny mišter
Młody a njewjazany dóstanje so Krabat do putow čorneho mištra. W Kózłom zeznaje poněčim mašineriju čorneho młyna, kotrejž so po zdaću wuwinyć njemóžeš. Přewodź Krabata a spóznaj hromadźe z nim a druhimi młynskimi, kotre mocy kuzłanje ma a kak zahubny režim přez hłuboke přećelstwo, solidaritu a lubosć přewinješ.
Putacy dyrdomdej, kiž čitarki a čitarjow kóždeje staroby zahorja a k rozmyslowanju pohnuwa. Nětko předleži mištersce napisany roman tež hornjoserbsce.
Fred Uhlman
Znowa namakany přećel
Hans a Konradin, 16-lětnej hólcaj, wopytataj w 30-tych lětach zašłeho lětstotka gymnazij w Stuttgarće. Hans Schwarz je syn židowskeho lěkarja, Konradin von Hohenfels pochadźa z bohateje zemjanskeje swójby. Mjez nimaj wuwiwa so hłuboke přećelstwo w swěće zhubjenych wěstosćow a jednorych ideologijow.
Otfried Preussler
Mała wjera
Mała wjera je bohužel hakle sto a sydomadwaceći lět stara. Tohodla njesmě wona na Wałpornej horje sobu rejować. Hdyž njeje wona hišće žana wulka wjera, potom chce znajmjeńša dobra wjera być. Z tym započnje so chětro dyrdomdejski čas. Hižo dlěje hač 60 lět zakuzłuje zmužita, sebjewědoma a žortna mała wjera dźěći a dorosćenych a zawini ze swojimi dobrymi skutkami wšelake šmjatki. Nětko předleži klasikar dźěćaceje literatury tež hornjoserbsce.
